Lokalradio tillinniarfigitittoq
Camcorderit marluk aningaasivillu tillinneqarput lokalradio Sekon radio marlunngornermi tillinniarfigineqarmat. Qaqortumi politiit suliaq suli misissuiffigaat.
- Naalarneqqissaarpugut teknikkimut atortunik tuniniaasunik tusarsaasoqalissasoralugu camcorderit ikittuinnarnit pigineqarmata, taama KNR-imut oqarpoq Qaqortumi politiit ittuat Bent Ole Kleist.
Tillinniat qisuk radioqarfiup matunerata kingorna igalaanut assiunneqartartoq peersimavaat.
- Taava aamma igalasserfik aserorsimavaat ilimanarluni tillitat pilertornerusumik annissinnaanissaat anguniarlugu, taama Bent Ole Kleist nassuiaavoq.
Taassuma erseqqissarpaa tillitanik pisiniarneq inerteqqutaasoq.
- Inunnut maluginiallaqquarput teknikkimut atortunik akikitsunnguanngorlugit tuniniaasoqarnersoq, taama Bent Ole Kleist oqarpoq.
Camcorderip aningaasiviullu saniatigut aamma siutequtit tillineqarsimapput.