LNS Greenland soraarsitsiortulersoq
Ingerlatseqatigiiffik aatsitassarsiornerup iluani suliniutitigut kiffartuussivittut siunissami ingerlanneqassasoq, ingerlatseqatigiiffik tusagassiorfinnut nalunaaruteqarluni taama allappoq. Ukiumut atorfiit qassit eqqugaassanersut oqaatigineqanngilaq.
Ingerlatseqatigiiffiup ingerlataasa ilaat ingerlatseqatigiiffinnit imaluunniit inunnit ataasiakkaanit tiguneqarsinnaanissaat pisortaqatigiit sulissutigaat.
AAMMA ATUARUK Kalaallit Nunaat aatsitassanik piiaaffinngoqqingajalerpoq
Akilersinnaasumik ingerlatsisoqassappat soraarsitsinissaq "pisariaqarluinnartoq" ingerlatseqatigiiffimmit, Nunatsinni aatsitassarsiornerup iluani annikitsuinnarmik ingerlatsisoqarneranik nalaataqarsimasumit oqaatigineqarpoq.
AAMMA ATUARUK Norgemiup aningaasaatilissuup piiaaviliornissaq qilanaarivaa
Soraarsitsinerit Qeqertarsuatsiaat eqqaanni rubininik piiaavimmi Aappaluttumi, True North Gems Greenland A/S-imit pineqartumi, sulinermut sunniuteqassanngillat. Piiaaviup taassuma ukiap ingerlanerani aallartinnissaa tamatumalu kingorna Nunatsinni piiaavinni kisiartaalluni ingerlalernissaa naatsorsuutigineqarpoq.