Liza kiserrammi peqataassaaq

Nunatsinni atletikkertartut Island Gamesimi ataasiinnarmik peqataatitsiniarput. Arpallaqqissut arlallit peqataanissartik kajumigisimanngilaat.

Maratonimi nunatsinni pissartaaq Liza Tuperna Itzchaky kisiartaalluni nunarput sinnerlugu atletikimi unammeqataassaaq aasamut Island Gameseqalerpat.

- Ajoraluartumik tunngavissaqarsimanngilagut arnanik amerlanerusunik toqqaanissamut, nunatsinni atletikertartut kattuffianni siulittaasoq Kim Godtfredsen KNRimut  taama oqarpoq.

Angutit arpallaqqissut arlallit aamma toqqarneqarsimasinnaagaluarput. Arpattartulli soorlu Stig Brahe Sørensen aamma Frederik Brummerstedt soqutiginnissimanngillat. Kim Godtfredsen maratonimi nunatsinni pissartaasoq aamma peqataarusussimanngilaq.

- Island Gamesimut peqataanissaq piffissartornartuuvoq peqataanerinnarmut sapaatit akunneri marluk atorneqartussaallutik. Arpattartut arlaqarpugut ilaqutallit. Taamaammat peqataaniarata aalajangersimavugut, Kim Godtfredsen taama oqarpoq.

Liza Tuperna Itzchaky arnani nunatsinni angumaneqanngivippoq. Maanna Københavnimi Spartami sungiusartarpoq sivisujaamik ajoqusersimareerluni maanna sukkassutsitoqqani angujartoqqilersimallugu.

- Island Games siunnerfigalugu maanna sungiusarneq ingerlatilerpara arpattarfinni sungiusarneq annertuumik ingerlatissallugu.N eriuppunga 10.000 meterimut unammilluarsinnaajumaarlunga. Kisianni qanoq angusaqarnissaq pillugu suli oqaaseqarsinnaanngikkallarpunga, Kim Godtfredsen taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat