Liv aamma Karla BankNordikip legatianik tunineqartut

BankNordikip legatia 25.000 koruuninik aningaasartaqartoq ingerlaqqiffiusumik ilinniagartunut ilinniarnerup nalaani aningaasaqarnikkut oqilisaatissatut ukiumut marloriarlugu tunniunneqartarpoq.

Tamatumuuna legatinnattuupput Liv Inuk Oldenburg Lynge aamma Karla Kreutzmann.

Liv Aalborgip Universitetiani Development & International Relationsimi kandidatinngorniarluni ilinniartuuvoq, nunallu Issittumiittut immikkut sammisaralugit. Legati Danmarkip Ottawami aallartitaqarfiani praktikkernermini atorniarpaa.

Karla peqqissaasunngorniarluni ilinniarpoq, inaarutaasumillu bachelorinngorniummik allaaserinninnerminut atatillugu Danmarkimut misissuiartorluni praktikkeriartussaalluni. Karlap legatinnalluni aningaasannattaani atorlugit meeqqani pingasut Danmarkimukaqataanissaannut bilitsisiniunniarpai.

AAMMA ATUARUK BankNordik ilinniartunut legatinik agguaasoq

- Legati atorlugu Kalaallit Nunaanni inuiaqatigiinnut tapeeqataallutalu pitsaaliueqataarusuppugut – immikkullu inuusuttut qaffasinnerusumik ilinniagaqarnissaannut kajumissaarusullugit. Tamatuma saniatigut BankNordik-legati aamma ilinniartunut ulluinnarni oqilisaatissatut takorloorparput, René Sørensen, BankNordikimi privatkundedirektøriusoq oqarpoq.

Ukiaru legatinik agguaasseqqittoqassaaq, qinnuteqarfissarlu kingulleq tassaavoq septembarip 24-at. Siornatigut qinnuteqarsimasut itigarsimasut qinnuteqaqqinnissaminnut tikilluaqqusaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat