Lissabonimi isumaqatigiissummut irlandimiut angerput
Irlandimi qinersivinni 43-suni 42-ni qinersinerup inerneri kisinneqareersullu, angertut 67 procentiupput, nutaarsiassaqartitsivimmit Ritzauimit tamanna ilisimatitsissutigineqarpoq.
oktobarip 03-at 2009 13:37
- Irlandimi innuttaasut ersarissumik ullumi oqariartuuteqarput. Ulloq Irlandimut Europamullu nuannersuuvoq, Irlandimi ministeriuneq, Brian Cowen, nalunaaquttap akunnialunnguisa matuma siorna oqarpoq.
- Aningaasatigut ajornartorsiortorujussuuvugut, taamaattuminguna irlandimiut Lissabonimi isumaqatigiissummut angertut. Irlandimiut ilisimajuarpaat aningaasarsiornertik Eurpamut pituttorsimasoq, Irlandimi aningaasaqarnermut ministeri, Brian Lenihan, nassuiaavoq.
Lissabonimut isumaqatigiissutip atortussanngortinnissaanut Polen Tjekkialu kisimik maanna amigaataalerput, tamannalu piviusunngorpat isumaqatigiissut aatsaat atuutilersinnaassaaq.
