Lincolnip imartaanut tunngasumik isumaqatigiinniarnerit nutaat
Sapaatip akunnerani uani qaangiutilersumi Københavnimi isumaqatigiinniutaavoq qeqertap Tartupaluup avaannaaniittoq imartaq, Lincolnip imartaa.
Kalaallit Nunaata avannaaniittoq imartaq, Lincolnip imartaa, Canadap Kalaallit Nunaatalu nutaamik isumaqatigiiniutigalugu aallartippaat.
Qeqertaaluup Kalaallit Nunaatalu avannaaniittup imartap killeqarfilernissaata isumaqatigiissutigineqarnissaa 1970-kkunnili ajornartorsiutaalerpoq. Maannakkut isumaqigiinniutaavoq 200 kvadrat kilometeri imartaq.
Tartupaluup assortuussutaanera tusarsaanerusimavoq, taanna Lincolnip imartaata kujataaniippoq.
Canadami nunanut allanut ministereqarfiata nalunaarutigaa, sapaatip akunnerani uani qaangiutilersumi Københavnimi isumaqatigiinniarnermut tunngatillugu aaqqiissutissanik nassaarniartoqarssimasoq, taannalu peqataaffigineqarluni canadamiunit danskinillu ilisimasalinnit. Nutaarsiassaqartitsivik Canwest bureua allappoq.
Canadamiut nunanut allanut ministeriata oqaaseqartartua, Catherine Loubier oqarpoq, ilisimasallit naapinnerisa siunertarigaa, aaqqiissutissanik nassaarniarnissaq. Taakkulu naapereernerisa kingorna aalajangiussat pisortanit misissoqqissaarneqassapput. Oqaloqatigiinneq torersumik ingerlanneqartoq, Catherine Loubierip oqaatigaa.
Kalaallit Nunaata avannaarpiarsuani qeqertaq, Beaumontip qeqertaanik taaneqartartoq, canadamiut isaannit isigalugu maanna ajornartorsiutaavoq. Taanna qerqertaq, Kalaallit Nunaata Canadallu akornanni imartalerngusaannermi uuttuutitut Danmarkip atortarmagu. Killeqarfilerngusaannermi nunat marluk akunnerpiaat uuttuutigineqartarpoq. Canadamiut oqarput Beaumontip qeqertaa mikivallaartoq taassuma uuttuutigineqarnissaanut.
Qalasersuup Avannarliup imartaani killeqarfilerngusaanneq, FN-ip immat atorneqarnerat pillugit isumaqatigiinniartartuisa aalajangiiffigisassaraat.
