Assi: KNR

PITUFFIK Lidegaard: Kristian Jensenip Pituffik pillugu uppernarsaatit saqqummiuttariaqarpai

Danmarkimi siornatigut nunanut allanut tunngasunut ministeriusimasup Martin Lidegaardip taartini - Venstreneersoq Kristian Jensen - Pituffimmi kiffartuussinissaq pillugu uppernarsaatinik saqqummiiumanngimmat isornartorsiorpaa.

- Nunanut allanut tunngasunut ministeritut tamaasa saqqummiutissallugit piareersimagaluarpunga, isertugassaqannginnera takutikkusullugu. Isumaqarpunga Venstret aamma maanna taamaaliortariaqartut, Martin Lidegaard KNR-imut oqarpoq.

Pituffimmi sullissinissamik isumaqatigiissuteqarnissaq pillugu suliap ingerlasimanera qinersineqannginnerani Venstret assorsuaq isornartorsiorsimavaat, piumasarisimallugulu Nunanut allanut tunngasunut ministereqarfiup, Namminersorlutik Oqartussat USA-llu akornanni attaveqaqatigiittarsimanernut uppernarsaatit tamaasa saqqummiuteqqullugit.

Aamma atuaruk Aaja: Pituffik pillugu allagaatit saqqummiunneqartariaqarput

Aamma atuaruk Isornartorsiut: Pituffimmut tunngasut saqqumminneqarlik

Aamma atuaruk Danskit nunanut allanut tunngasunut ministeriat siumut isigaluni suliniartoq 

Taamaaliornissarli nunanut allanut tunngasunut ministerertaap Venstreneersup sapaatip akunnerani matumani itigartippaa.

Martin Lidegaardip erseqqissarpaa isumaqarluni Nunanut allanut tunngasunut ministereqarfiup suliaq eqqortumik ingerlassimagaa, uppernarsaatissallu saqqummiunneqarpata allatut eqqarsaasersornerit tamaasa piissagaluaraat.

Paasissutissanilli saqqummeeqqusineq malersoqqinniarnagu Martin Lidegaardip oqaatigaa.

Aamma atuaruk Pituffimmi kiffartuussinissamik isumaqatigiissut pilerngukkaat

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat