Libyamiut atomimik qaartartorsualiuleraluarsimasut

juulip 25-at 2006 05:24

Libyamiut qaartartorsuarmik atomiliornertik naammassingajavissimavaat. Libyami naalakkersuisut siulittaasuata, Muammar al-Gaddafip, 2003-imi sakkussiorneq unitsissimanngikkaluarpagu, nunarsuarmioqatigiillu suleqatigilersimanngitsuuppagit, naammassisimassagaluarpoq.

Libyami tusagassiorfiup tusarliussinera naapertorlugu, Libya-mi ingeniørit ippassaani oqalugiarfigalugit Gaddafi nammineq taama oqarsimavoq.

- Libyamiut qaartartorsuarmik atomiliornertik naammassingajassimagaat ilumoorpoq. Tamanna isertuunneqarunnaareerpoq. Atomimik nukissiorneq pillugu nunat tamalaat nakkutilliisuutitaasa sunik tamanik malinnaatinneqarnissaat pillugu paasissutissat tamarmik saqqummiunneqareerput. Qaartartorsuup suliarineqarnissaanut pilersaarutivut sakkugullu oqaluttuarereerpagut, Gaddafi tusagassiorfimmut oqarpoq.

Qaartartorsuarmik atomiliorsimagaluarneq Libyami naalakkersuisut siullerpaamik uppernarsarpaat.