Libyami suliniuteqarneq Danmarkip siuttuuffigileraa

Libyami sakkussianik akoorutissartalinnik toqqorsivinni sinnikut assartorneqarnissaannut danskit umiarsuaasa sorsuutit assartuutillu atorneqarnissaat Folketingimi amerlanerusseqartut ullaaq manna, nunatsinni nalunaaqutaq malillugu, akuersissutigaat.
Umiarsuaq sorsuut Absalon Libyaliarluni Flådestation Frederikshavnimit ippassaq aallarpoq. Assi © : Forsvaret
aggustip 19-at 2016 07:16
Nutserisoq Simon Uldum -

Siunnersuut taasissutigineqarmat 99-it akuersipput itigartitsisoqaranilu.

Libyami sakkussiat akoorutissartallit piiarneqarnissaannut nunat tamalaat suliniuteqarnerat Danmarkip siuttuuffigissavaa. Sakkussiat ulorianartut Islamisk Statimit pikitsitsinianillu allanit pissarsiarineqannginnissaat anguniarlugu ilaatigut taamaaliortoqassaaq.

Danskit umiarsuaat sorsuut Absalon Libyamut ippassaq pingasunngornermi aallarpoq, suliniuteqarnermut Folketingimit maanna inaarutaasumik akuersissutigineqartumut peqataajartorluni.

Sakkussiat akoorutissartallit Tyslandimi sumiiffimmut tamanut nalunaarutigineqanngitsumut assartorneqassapput tassanilu aserorterneqarumaarlutik.

Kalaallit savalimmiormillu Folketingimut ilaasortaatitat danskit Libyami suliniuteqarnissaat Folketingimi taasissutigineqarmat peqataanngillat.