Liberiami præsidentiusimasoq Danmarkimi immaqa parnaarussaassaaq

apriilip 20-at 2006 17:29

Liberiami præsidentiusimasup Charles Taylorip paarnaarussivissaanik Danmark immaqa ujaasitinneqartussanngussaaq. Præsidentiusimasoq inuiannut pinerluuteqarsimasutut unnerluutigineqarpoq sumilu paarnaarunneqarnissaa Naalagaaffiit Peqatigiinnit nalornisigineqarpoq.

Danmarkimi nunanut allanut ministereqarfimmit nalunaarutigineqarpoq, præsidentiusimasoq immaqa Danmarkimi paarnaarussaaqqassasoq, tamannali Christiansborgimi assigiinngitsunik isumaqarfigineqarpoq. Konservativit politikkikkut oqaaseqartartuata Pia Christmas Møllerip sorsunnermi pinerluuteqarsimasup Danmarkimi paarnaarussaaqqanissaa isornartoqartippaa.

- Charles Taylorip Danmarkimi paarnaarussaaqqanissaa assut akerleraarput. Taamaattumik qinnuigineqassagutta akuersaarsinnaanngilarput, Pia Christmas Møller oqarpoq.

Dansk Folkeparti aamma akerliuvoq. SF-it, Socialdemokratit Radikalellu Taylorip Danmarkimi paarnaarussaaqanissaa ajorinngilaat.

Radikalet nunat allat pillugit oqaaseqartartuat Margrethe Vestager ima oqarpoq:

- Pinerluuteqarsimasut pillarneqarnissaat paarnaarunneqarnissaallu eqqartuinnarnagu pisussaaffeqarpugut iliuuseqarfiginissaanut. Charles Tayleritut ittut pinerluuteqarsimasut pinngitsooratik paarnaarunneqarnissaat pisussaaffigaarput neqeroorutigisinnaasallutigu, Margrethe Vestager naggasiivoq.