Libanonimit saassussisoqarnera ministeriunerup avoqqaaraa
Israelimiut Palæstinamiullu akersuunnerat ullaaq Libanonimiit akuliuffigalugu qaartartumeerisut, Israelimi utoqqaat illuat eqqormassuk utoqqaat marluk ikilerneqarsimanerarneqarpoq. Shia-muslimit peqqarniisaarniartut, Hizbollah-meersut qaartartumeerisimanissaat ilimagineqaqqaaraluarpoq, tusakkalli kingulliit naapertorlugit Palæstinamiut Libanonimiittut pasineqarput. Hizbollah-meersummi saassussiniarunik sisamaannarnik qaartartumeerinatik qaartartut 400-t pallillugit igeriussimassagaluarmatigit. Israelimiut qaartartumeerisut tungaannut ingerlaannaq akiniaapput. Israelimiullu Gazamut saassussinertik sakkortusiartortittuarsinnarpaat, tusagassiortulli nunanit allaneersut Gazamut iseqqusaanngimmata Palæstinamiut sakkutuujunngitsut Gazamiittut qanoq atugassaqartitaanersut suli paasiumanaappoq. Sakkuaannerit kingulliit aallartimmatali Palæstinamiut 700-t Israelimiullu aqqanillit toqutaasimassangatinneqarput. Palæstinamiup Hamarip, 17-nik ukiullip ataataa, Gazami napparsimmaviit ulikkaartut ilaanniit oqaluttuarpoq ernermi ikilerneqarnerata kingorna niui illuttut kipisariaqarsimasut.
