Libanonimi sakkuaakkunnaartoqarusunngikkallarpoq

Israelip Hizbollah-llu akersuunnerat ingerlaannarpoq, naak Naalagaaffiit Peqatigiit aalajangersagaliaat naammassilivikkaluartoq.

Qanittunnguakkut israelimiut qulit illoqarfimmi Kfar Giladi-mi qaartartunit, Hizbollah-kkut igeriussaannit toqunneqarput. Israelimiut tv-qarfiata Channel Two-p nalunaarutai malillugit qulingiluat sakkutuujupput.

Libanonip kujataani aamma sakkutuut libanonimiut arfinillit israelimiut qaartartumeerimmata toqutaapput. Taamatuttaaq libanonimiut sakkutuujunngitsut tallimat ullaaq toqutaallutik.

USA Frankrig peqatigalugu ippassaq Naalagaaffiit Peqatigiit aalajangersagassaannik isumaqatigiissuteqarput, Israelip Hizbollah-llu saassusinerminnik erniinnaartumik unitsitsinissaannik, imaqartumik.

FN-ip isumannaallisaaniaqatigiivisa aalajangersagaq ippassaq eqqartoqatigiissutigaat.

Israeli maannamut isummaminik ersersitsinngilaq, oqarlutilli nunarsuarmiut sakkutuuliussaat tikitserlugit Hizbollahkkut akiortuassagitik.

Illuatungaani Hizbollah-kkut israelimiut sakkutuui Libanonip nunataani takussaajuartillugit, akersuuttuarniarput.