Libanonimi ministeri toqutaavoq
Libanonimi politikerit nuimasut ilaata toqutaanera innuttaasunit aalassassimaarutigineqaqaaq.
Suliffissuaqarnermut ministerip Pierre Gemayelip toqutaasimanera tusarliunneqareersorlu eqqissiviilliortoqarnissaa annilaanngatigineqarpoq, illoqarfiillu pingaarnersaata Beirutip aqquserngini angallattorpassuaqarpoq.
- Kristumiorpassuit angerlakaarrapput. Ajortumik pisoqarsinnaanissaa annilaanngatigerrappaat. Pitsaanerussagunarporlu unnugu angerlarsimaannarrakkunik, angut taxartitsisoq oqarpoq, itinerusumillu nassuiaarusunnani.
Pierre Gemayel kristumiut partiiannit Kataebimi ilaasortaasimagaluarpoq. Kataeb Pierre Gemayelip aataavanit Amin Gemayelimit aallarnerneqarpoq.