Letop immiussaa isiginnaarneqarsinnaalerpoq

Videoliarlu taanna maannakkut takuneqarsinnaalereerpoq.

Videoliami piniartup piniarniartilluni sikukkut qimussersinnaajunnaarnini oqaluttuaraa.

Nipilersukkap videoliami atorneqartup ukiut marluk matuma siornatigut saqqummersinneqarneraniit sikuiutsuni sikup akkiartornera oqaluttuarineqarpoq. Siku aattoq Amerikami naalagaaffimmi Californiamiit kujammut Texasip tungaanut isorartutigisumik annertussusilittut assersuusiarineqarluni.

Kalaallit Nunaanni Videomut immiusineq tassaavoq kissaatit annersaat piviusunngortoq. Nipilersoqatigiit misigisaasa pissangananersaannut ilaavoq. Silap kiatsikkiartornera kikkut tamarmik tusarnikuuaat, Kalaallit Nunaannili inuit tassaapput, ajornartorsiummik tigussaasumik takussutissalimmillu ullumikkut misigisaqartut, nipilersoqatigiit erinarsortuat Jared Leto tusagassiuutinut nalunaarummi allappoq. Silap pissusaata allangoriartornerata inuit akornanni soqutigineqarnerunissaa nipilersoqatigiit aallussaraat.

Video nittartakkami sorlermi takuneqarsinnaanera KNR.GL-ikkut alakkarneqarsinnavoq.