Aasiaat kommunalbestyrelseani ilaasortat attaviitsortaasa ilaat, Leo Rosing, Siumut partiianut nuulluni nalunaaruteqarpoq.
Kommunalbestyrelsemut 2005-imi qinersinermi Leo Rosing Inuit Ataqatigiit sinnerlugit qinigassanngortippoq. Qinersereernerullu kingorna, IA-p iluani isumaqatigiinngilerneq pissutigalugu,
Leo Rosing, Enok Sandgreen, Peter Frederik Gedionsen-ilu Inuit Ataqatigiit sinnerlugit kommunalbestyrelsemut iseraluarlutik, Inuit Ataqatigiinniit tunuarput, attaviitsunngorlutik.
Angutini taakkunannga, IA-mit tunuartunit, Peter Frederik Gedionsen kisiartaalluni suli attaviitsuuvoq.
Aasianni kommunalbestyrelsemi ilaasortat Siumumeersut maanna pingasunngorput, Atassummeersut pingasut, Inuit Ataqatigiinneersut sisamat, attaviitsorlu ataaseq.
Kommunalbestyrelsemi inissisimanerit allannguuteqassanngitsut, borgmesteri Enok Sandgreen oqarpoq.