Lene Knüppel: Jens B. Frederiksen piukkunnarneruvoq

Lene Knüppel Nuup kommuniani kommunalbestyrelsimut aamma ilaasortaasoq, Danmarkimi suliffissarsiorluni Sermitsiamut oqaatigaa.

Tamannali Demokraatit siulittaasuminnik tunuartitsiniarnerannut attuumassuteqanngitsoq oqaatigalugu.

- Danmarkimi suliffissarsiorama ilumoorpoq, kisianni piffissami qanittumi nuunnissara ilimaginngikallarpara.

- Kalaallit Nunaanni najugaqartillunga naalakkersuinikkut suleqataanera ingerlatiinnassavara. Siulittaasumut tunngasoq saqqummiunneqanngikkallarmalli nuunnissara aalajangiutereernikuuara, Lene Knüppel oqarpoq.

Inatsisartunut ilaasortap Jens B. Frederiksenip partiip siulersuisuuneri amerlanerussuteqartut tunuliaqutaralugit siulittaasortik Per Berthelsen unammillerniarpaa.

Immikkut ittumik nuna tamakkerlugu ataatsimeersuartoqarnerani, juulip arfineq pingajuanni Nuummi ingerlanneqartussami siulittaasumik qinersisoqassaaq.