Lene Knüppel: Inatsisartut ataqqineqanngillat

- Inatsisartut ataqqineqanngillat. Naalakkersuisunik isornartorsiuinermini taama ersaritsigisumik oqartoq tassaavoq, aningaasaqarneq pillugu Demokraatit oqaaseqartartuat, Lene Knüppel.

Siunnersuutinik Inatsisartut ataatsimiittarfianni oqaluuserisassanik Naalakkersuisut kingusinaarujussuarlutik tunniussisarnerat Lene Knüppelip isornartorsiorpaa.

Ippassaq kingullermik taama pisoqarpoq.

Kalaallit Nunaanni nammineerluta aningaasassavut pappialat pillugit siunnersuut aatsaat ippassaq takkuppoq. Siunnersuut nukinginnartuuvoq, sapaatimmi akunnerata tulliani siullermeerneqarlunilu aappassaaneerneqartussaavoq. Aningaasassatsinnut tunngasut piariipallattariaqartussaapput, Folketingimi akuerineqarnissaat piniassammat.

Siullermeerneqarlutik oqaluuserineqarnissaat marlunngorpat pisussaavoq, aningaasanut inatsisissaq pingaarnertut ulloq taanna oqaluuserineqartussaagaluarpoq.

Lene Knüppel oqarpoq, naalakkersuisut Inatsisartunik ataqqinninngippallaartut, oqaluuserisassammi taama kingusitsigisumik tunniunneqaraangata oqallisiginninnissamut ilaasortat piffissaqartitaaneq ajorput.

Kattusseqatigiit Partiiat Lene Knüppelip isornartorsiuineranut tapersersuilluni ullumi aamma nalunaarpoq.