Lene Kielsen Holm nersornaaserneqarpoq
Lene Kielsen Holm ICC-p Kalaallit Nunaanni immikkoortortaqarfiani sulisuusoq silap allanngoriartornerata inuit inuuniarnerannut sunniutai pillugit qulaajaalluni misissuisimanerminut nersornaaserneqartussanngorpoq.
Allattoq Louise M. Kleemann
Nersornaasiineq unnugu assuarluni nereqatigiinnermi New Yorkimi Wings Worldquestimit aaqqissuunneqartumi tunniunneqassaaq.
Wings Worldquestimit akissarsiaritinneqartartut ukiormanna arnanut ilisimatusartunut pigitinneqarput.
Lene Kielsen Holm Sila-Inummut suliniuteqarnini akissarsissutigissavaa, misissuinermi kalaallit piniartut pinngortitamut silallu allanngoriartornerata kingunerinut ilisimasaat uppernarsarpai.