Lene Espersen ullumi saqqummiussivoq
- Inatsisit atortinneqarnerannut ukiut arfinillit ministeriuvunga, ukiunilu taakkunani qaammatit tamarluinnaasa Kalaallit Nunaanni eqqartuussiveqarnikkut nutarterinissaq eqqartorneqartarpoq, Lene Espersen radioaviisimut oqarpoq.
Suliassamut angisuumut sulineq sivisooq atorneqarsimavoq.
- Kalaallit Nunaanni eqqartuussiveqarnerup nutarterneqarnissaa pisariaqarluinnarpoq, kiisalu inatsisit tamaasa kalaallisuunngortinneri aamma suliarujussuusimavoq, politikerinik isumaqatiginninniartarnerit aamma piffissamik atuiffiunerpaapput, inernerusussammi inuiaqatigiinnut pitsaanerpaamik kinguneqarnissaa siunertarigatsigu Lene Espersen radioaviisimut taama oqarpoq.