Lene Espersen naveersittussanngorpoq

TV2-p ilisimatitsissutai naapertorlugit, tamanna napparsimmavinnut namminersortunut tunngassuteqarpoq.

Arnap taassuma, nunanut allanut misteriunermi saniatigut De Konservativenut siulittaasuusup, folketingimi amerlanerussuteqartunit isornartorsiorneqarnissani naatsorsuutigisinnaavaa.

Taama pisoqarnissaanut pissutaasutut TV2-mit oqaatigineqarpoq, Lene Espersenip, folketingimut eqqunngitsunik paasissutissiisimanini ippassaq tv-kkut toqqaannartumik nassuiarmagu. Aperineqarnerigaluaminullu tunngassuteqanngitsunik akissuteqartarluni.

Dansk Folkeparti sakkortuumik iliuuseqassappat, Danmarkimi naalakkersuisut ukiorpaalunngortuni aatsaat ikinnerussuteqassapput.

Illuatungiliuttut Lene Espersenimik isornartorsiuinerinut Dansk Folkepartip peqataaniarnermini piumasaqaatituaa tassaavoq, Espersenimik isornartorsiuinerup naalakkersuisunik tatiginnikkunnaarnermik imaqannginnissaa.

Taamaaliornikkummi naalakkersuisut uppisinneqarsinnaammata.