Lene Espersen ministereqarfimminut akerliusumik iliorsimavoq

Suliamut tunngasumik paasisutissinneqarnermi atuagassiamit Ingeniørenimit ingerlanneqartumi paasineqarpoq Lene Espersen nammineq ministereqarfimminut akerliusumik iliuuseqarsimasoq, ministereqarfiami isumaqarmat nunanut allanut ministerit ataatsimiinnerat pingaarutilerujussuusoq.

Suliamut tunngasumik paasissutissinneqarnermi aamma paasinarsivoq nunanut allanut ministeritut atorfiani siulia parteeqataalu Per Stig Møller Canadami ministereqatiminut allakkamini peqataajumalluni angersimasoq. Ilaatigut pissutigalugu Danmarkip naalagaaffiit nunanik issittunik sineriaqartut nunavissuit immap naqqatigut imminnut atanerannut tunngatillugu ataatsimut piumasaqaataat pillugit naalakkersuinikkut oqallinnerit aallartikkumammagit, piumasaqaatit nunat tamalaat ataatsimiititaliaannut FN-ip imaani pisinnaatitaaffiit pillugit isumaqatigiissutaa naapertorlugu nunavissuit piumasaqaataannik tamanik oqaluuserinnilluni suliaqartartumut nassiunneqannginneranni.

Tassa naalakkersuinikkut oqallinnissamut piareersaatit pingaaruteqarmata, piumasaqaativiit, ataatsimiititsisuusumit Canadamiullu nunanut allanut ministeriannit Lawrence Cannonimit suliarineqartut, ataatsimiinnerup naalakkersuisutigoortumik imaqarnersiornerani saqqummiunneqannginneranni.