Lene E. Usbekistanimit utoqqatserfigineqarpoq

Danmarkimi nunanut allanut ministeri, Lene Espersen, Usbekistanimi aallartitamit oqarasuaatikkut qamannga pisumik utoqqatserfigineqarpoq.
juulip 21-at 2010 15:37

Timmisartup nunanut allanut ministerip ilaaffigisaata qulaannissaaa nik akuersinissamut Usbeskitanip kigaalaarnerujussua pissutigalugu, Lene Espersen Afghanistanip illoqarfiisa pingaarnersaanni, Kabulimi, ataatsimeersuarnermut ippassaq anngutinngitsoorpoq.

 

Usbeskistanimi aallartitaq Lene Espersenip kingusinnerukkut oqaloqatigiumasimagaluarpaa, Usbeskistanimiumilli Danmarki sinnerlugu sassarsinnaasumik aallartitaqanngilaq.

 

Usbeskistanip Moskvami aallartitaa, Sijadulla Pulatkhovjaev, Danmarkimi departementchefip, Claus Grube-p, oqarasuaatikkut taarsiullugu ullumi oqaloqatigaa.

 

- Aallartitaq Usbeskistan sinnerlugu utoqqatserpoq. Utoqqatsernera akueraara, taannalu nunanut allanut ministerimut, Lene Espersenimut, apuukkumaarpara, Claus Grube tusagassiuutinut allappoq.

 

Nunanut allanut ministerit 60-it missaanniittut Afghanistanimi ataatsimeersuarnermi peqataapput, USA-mi nunanut allanut ministeri, Hillary Clinton, taakkununnga ilaalluni.

 

Lene Espersen Konservativini siulittaasuuvoq. Nunat Issittumut sineriallit Canadami ukioq-manna siusinnerusukkut ataatsimiinneranni Lene Espersen peqataanngimmat, Konservativit 6-7 procentimik annikinnerusumik taaguunneqassasut isumasiuinerni paasinarsivoq. 1990-ikkunnili naalerneranni taama appasitsigigami kingumut aatsaat appasitsigaluni.