Lene Aleqalu ulloqeqqasioqatigiipput

Inatsiseqarneq pillugu Danmarkimi ministerip, Lene Espersenip, Ilaqutariinnermut Inatsisillu Atortinneqarnerannut Naalakkersuisoq, Aleqa Hammond, Københavnimi ulloqeqqasiornissamut massakkorpiaq qaaqquaa. Eqqartuussiveqarneq pillugu ataatsimiitsitaliarsuup siunnersuussutaanut inaarutissatut siunnersuutit Lene Espersenip ulloqeqqasioqatigiinnermi saqqummiunniarpai. Inatsisit Kalaallit Nunaanni atortinneqarnerata annertuumik aaqqissuunneqarnissaa ataatsimiititaliarsuup siunnersuutigaa. Eqqartuussisut ilinniarsimasuunissaat ilaatigut piumasaqaataasariaqartoq, aamma isertitsivinnik matoqqasunik maanna isertitsiviit ilanissaat siunnersuutigineqarpoq. Sanaartorneq 155 millioni koruuninik akeqassasoq naatsorsuutigineqarpoq, Tasiilami isertitsivimmik nutaamik 95 millioni koruuninik akeqartussamik sanasoqarnissaaq ilaatigut siunnersuutigineqarluni.