LEJ: Danskit qanoq pissuseqalissappat?
EU-p tunngaviusumik inatsisissaa folketingimi ippassaq oqallisigineqangaatsiarpoq.
Atlantikup Avannaani qinikkat suleqatigiiffiat
sinnerlugu Lars-Emil Johansen oqaaseqartuuvoq.
Lars-Emil Johansenip Danskit tatigiinnissusissaat apeqquserpaa, danskit EU-mut ataqqinnerussanerpat, Savalimmiut nunarpullu eqqarsaatigalugu.
Oqaluttuarisaanerlu eqqaallugu, Danskit kalaallillu, ullumikkut pissusioreersut eqqarsaatigalugit, assigiinngissuseqalissanersut apeqquserlugu.
Lars-Emil Johansenip aamma oqallisissiaraa EU-p tunngaviusumik inatsisissaa nunatsinnut Savalimmiunullu qanoq sunniuteqassanersoq.
Lars-Emil Johansenni isumaqarpoq Savalimmiunut nunatsinnullu naalagaaffeqatigiinnermi ingerlatseriaaseq nutaassaq, nunarsuarmiunit akuerineqartoq, Danmarkip suliarilereertariaqaraa.
Savalimmiunut Kalaallillu Nunaanut ajornartorsiutaalersinaasunut aaqqiissutissaanik ujartuilernissaq Lars-Emil Johansenip kissaatigaa.