Leif Fontaine: Piniartut tusarniaavigineqartariaqarput
- Kommunalbestyrelsemi eqqartorneqartariaqarpoq, taava qularnanngitsumik piniartut tusarniaavigineqartariqarput maleruaqqusamik pilersitsinissaq siunertaralugu. sukanganerusumik kommunit maleruagassiornikkut periarfissaqarput, tassalu tassa taanna atorneqartariaqarpoq. Uagut kattuffimminngaanniit qulaaniit iliuuseqarsinnaanngilagut aamma taamaattunik suliaqarneq ajorpugut, KNAPK-p siulittaasua Leif Fontaine oqarpoq.
Qilalugarniarnermi qilalugaq umiatsianut akunnermiliutsillugu seqqortarneq isornartorsiorneqarpoq. Pisartullu Qaasuitsup Kommuniani ilisimaarineqarput.
- Ilaana tassa tamakkua oqaluttuat arlaqarput, aamma seqqortaarnerinnaanngitsut ilaatigut aporaannerit, naalinniunnermi pinnaanerit, tamakkua pisartut tusaamavagut aammalu ilaatigut umiatsiat pisariqarnngikkaluamik aportarneqarnermikkut innarlernerqartarlutik taavalu inunnik katatsinermik kinguneqartarsimallutik.
Edvard I. Kristiansen, Qaasuitsup Kommuniani Ineriartornermut, Pilersaarusiornermut Ataatsimiittitaliami siulittaasoq taama oqarpoq. Taassuma piniartut taamatut misigisaqartillutik politiinut nalunaaruteqartarnisaannik kaammattorpai pineqartut inatsisinik unioqqutitsinerummata.
- Radioaviisikkut oqaatigineqartoq tunngavigalugu Uummannami ileqqoreqqusaq § 1. stk 2-mi allaqqavoq angallatit tungaanut seqqortaarneq inerteqqutaasoq, Edvard Kristiansen oqarpoq.
Qaasuitsup Kommunia ileqqoreqqusanik nutarterinissamut ukioq manna angumersisinnaanngilaq, ileqqoreqqusanillu nutarterinissaq siunertaralugu oqallitsitsisoqassasoq neriorsuutigineqarpoq.
