ASSIT Leicesterimi nuannattunnguaqarpoq - pissartanngornissaq qulakkeerpaat
Tuluit Nunaanni isikkamik arsaalluni pissartanngorniuunnermi pissartanngornissaq ippassaq ataasinngornermi unnukkut qulakkeerneqarpoq. Leicester Citymi arsartartut Kasper Schmeichel Danmarkimeersoq, Jamie Vardy Tuluit Nunaanneersoq, Riyad Mahrez Algeriameersoq arsartartullu allat sungiusaasumit Italiamiumit Claudio Rainerisimit siuttuuffigineqartut, Tottenhamip Chealseamut ippassaq unamminermi pointinik qulakkeerinninnerata kingorna nuannattunnguupput.
Kasper Schmeichel i en Premier League-kamp, hvor Leicester City tabte 1-2 til Arsenal
Allattoq Camilla Dam
maajip 03-at 2016 06:32
Premier Leaguep oqaluttuarisaanerani tupaallannartunik pisut annersaat piviusunngorpoq.
Leicester City siorna ligamiikkunnaarnissaa ilimagineqaleraluarpoq, ukioq mannalu unammisaqattaarnerni ilungersulaavissornissaa aamma siulittuutigineqarsimagaluarluni.
Arsartartoqatigiilli ingerlalluarsimapput. Jamie Vardy aamma Riyad Mahrez ajuunnerpaat allattorsimaffianni normu 3-iullutillu 5-iupput, målmandilu pikkorissoq sungiusaasorlu pikkorilluinnartoq pissutigalugit Leicester ingerlalluarsimavoq Tuluit Nunaannilu illoqarfiit qiterpasinnersaat ilaanni 330.000-inik innuttaasoqartumi pissangatitsilaavissimapput.
Nuannattunik assilisat videoliallu inuit attaveqaqatigittarfiineersut ataani katersorpagut:
