Led Zeppelin tusarnaartitsillualaavipput

Rockimik nipilersullammassuit, Led Zeppelin, Londonimi tamarmiullutik kingumut naapeqqillutik ippassaq unnukkut nipilersoqatigiissuaarlutik tusarnaartitsimmata, inuit 20.000-it pakatsisinneqanngillat.

Rockimik nipilersullammassuit, Led Zeppelin, Londonimi tamarmiullutik kingumut naapeqqillutik ippassaq unnukkut nipilersoqatigiissuaarlutik tusarnaartitsipput, nuannarinnitserpassui 20.000-t missaanniittut inersuaq tusarnaartitsivisusoq ulikkaavillugu nuannisartut.

Nalunaarutiginninnerit siulliit nuannersuupput.

Tuluit Nunaanni aviisi, Daily Mail, ima allaaserinnippoq:

- Ukiut 19-it ingerlanerini tusarnaartitsinissamut siullermut inuit assorsuaq pissangallutillu qilanaarrassimapput, tusarnaarialli 20.000-t missaanniittut pakatsinngeqisut oqarsinnaavugut, pilluarlutik nuannisarsimaqalutillu angerlakaapput.

Tuluit Nunaanni aviisi alla, New musical Expres ima allaaserinnippoq:

- Led Zeppelinikkut qularutiginnittut oqaasissaarutitippaat. Nipilersoqatigiit taakku suli sapinngitsukasiupput, soorlu taamani nuannarineqaleruttoramik!

Led Zeppelinikkut tumerparpaartortik John Bonham 1980-imi toqummat avissaartuupput, ippassarlu tumerparpaartoraat umerparpaartartorigaluamik ernera, Jason, maanna 41-nik ukioqartoq.

Led Zeppelinikkut, tamarmik maanna 60-it missaannik ukioqartut, nunarsuaq tamakkerlugu nuannarinnitserpassuisa maanna neriuutigilerpaat taakku 2008-mi tusarnaartitsiartoqattaarsinnaassasut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat