- Nammineq atorsimasakka ilikkarsimasakkalu Seqineq Arnanut-mut ingerlateqqippakka, Lea Holm oqarpoq.Assi: Kelsey Eames

Lea Holmip meditererneq atorlugu arnat persuttaanermik nalaataqarsimasut ikiorusukkai

Lea Holmip persutaanermik nalaataqarneq, anaanaminillu annaasaqarneq misiginikuuai, qaangerniarnerilu ajornarmata ikiuerusuppoq.

Lea Holmip anaanani ukiut qulit matuma siorna annaavaa. Anaanaa aappakuminit toqunneqarmat.

Tamannalu Lea Holmimut kingunerlutsitsivoq. Qaangiinissaminullu sakkussanik ikiuutissanik pitsaasunik amigaateqarluni misigisimavaa.

Lea Holm 15-inik ukioqarluni imminut tusarnaarneq ajorluni misigisimaannalerami, imminullu peqqinnartumik attaveqarfiginani medirertalerpoq.

Mediterertaleramilu imminut peqqinnartumik atassuteqarfigisimannginnini malugillualersimavaa, meditererneq yogarnerlu soqutigisarilerlugit.

Kalaallinullu arnanut meditererneq atorlugu peqqinnarnerusumik inuuneqarusuttunut ikiuukkusulluni suliniummik maanna aallartitsivoq.

Lea Holm Nuummi peroriartorpoq, New Zealandimilu maannakkut najugaqarluni. Taamaammat nittartakkatigut mediterertitsisassaaq.

- Anaanama annaanera qaanginngisaannartussaavara. Naminneerlutali inuunerup qanoq atorusunnera aalajangertussaavarput. Inuuneralu nuannaarlunga imminullu paaralunga atorusuppara.

- Nammineq atorsimasakka ilikkarsimasakkalu Seqineq Arnanut-mut ingerlateqqippakka, Lea Holm oqarpoq.

Suliniut Seqineq Arnanumik taaguuteqarpoq. Qulequttallu arfinillit sammisaassapput, imminut asaneq, imminut paarineq, imminut ataqqineq imminullu aallaavigaluni killiliisinnaaneq qulequttaassapput.

Lea Holm inuunermut tunngasumik siunnersuisartutut ilinniarsimasuuvoq, inuuniutigalugulu. Saniatigullu mediterernermi mindfulnesimilu ilitsersuisuuvoq.

Nammineerluni qaangiiniarnermini imminullu suliarinermini meditererneq iluaqutigivaa.

Arnallu tamarmik periarfissikkusullugit allallutik qinnuteqartunut akeqanngitsumik peqataatitsivoq.

- Arnanut ineriartortitsissalluni periarfissaalluartoq, isumaqarpunga. Nalunnginnakku artorsarluni qanoq sakkussanik eqqortunik ujarlerneq ajornartiginersoq, nassaassallu nuannerunartut pissanganartullu akeqartut akissaqartinnagit aamma ilaasinnaannginneq ilisimagakkku, Lea Holm oqarpoq.

Peqataasussat nammineerlutik qaqagukkut Seqineq Arnanut-mi mediterertassanerlutik aalajangissavaat, aappaangumullu martsip tungaanut atorneqassaaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat