Lattergassi silaannarmik kissakkiartortitseqataavoq
Lattergas CO2-mit 300-riaammik avatangiisinut navianaateqarnerusoq aamma oqaatigineqarpoq.
Lattergas ilaatigut aamma napparsimasut suliaritinneranni atorneqartarpoq.
Københavnip universitetiani avatangiisit pillugit professorip, Bo Elberlingip Tunup avannaani ilisimatusarfimmi Zackenbergimiittumi misissuinermini paasiaa nutaajusoq taamaappoq. Misissuinerit inernerisa takutippaaq, nunarsuatta illersuutaa ozoni lattergassip ajoquserujussuarsinnaagaa, taamaalilluni nunarsuatta kissakkiartorneranut pisooqataasinnaalluni.
Ilisimatusarneq pillugu aviisimi saqqummersartumi, Nature Geosciencemi allaaserisaq tupaallannartoq atuarneqarsinnaavoq.
Nunarsuup avannaarpiarsuani nuna qeriuaannartoq aakkiartorpat, lattergassi pinngortinneqassaaq, tamannalu issumi qallermi pilersinneqartartoq, Bo Elberlingip ilisimatusarnermini paasisani upppernarsarsimavaa.
- Tunup avannaarpiarsuani Zackenbergimi ilisimatusarnermi inernerit takutippaat, tunumiinnaanngitsoq aammali nunarsuup issittortaani tamani tamanna ajornartorsiutaasoq, professori naqissusiivoq.
Maannamut paasisani metani ajornerpaatut oqaatigineqartaraluarpoq, metani nunami qeriuaannartumi pilersarpoq. Lattergassip ulorianaataa paasineqarmat, nunarsuatta kissakkiartupiloorneranut pissutaasut ilaat paasineqartoq, Bo Elberling oqarpoq.
