Latinamerikamiu nersornaammik tunineqarpoq
Perumiu atuakkiortoq Mario Vargas Llosa atuakkiortunut Nobelip nersornaasiuttagaanik ukioq manna tunineqassaaq.
oktobarip 07-at 2010 08:22
Llosa Latinamerikami oqaluttualianik atuakkiortut pingaarnersaraat.
Atuakkiortuunermi saniatigut politikkimik suliniuteqartuuvoq, Perumilu præsidentimut 1990-imi qinigassanngortikkaluarpoq, iluatsitsinanili.
Llosa 1936-mi inunngorpoq. Atuakkiai oqaatsit arlalippassuit atorlugit nutserneqarsimapput. Qallunaatuuni ilaatigut taaneqarsinnaapput "Byen og Hundene", aamma "Det Grønne Hus".
Nobelip nersornaasiuttagaa nuimanerpaaq ukioq manna kimut tunniunneqassanersoq aqagu paasinarsissaaq.
Nobelip Eqqissinermut nersornaasiuttagaa Nobelip nersornaasiisarneranut Norgemi ataatsimiititaliap tamanut aqagu saqqummiuppagu tamanna pissaaq.
