Lars Løkke Rasmussen ministeriuninngussaaq
Tassami ministeriunertut paarlatsissani aqagu dronningimut ilisaritikkiartorniarpaa, tassaasoq maanna aningaasaqarnermut ministeriusoq Lars Løkke Rasmussen.
Konservativit aamma Dansk Folkepartip Lars Løkke Rasmussenip Folketingimi amerlanerussuteqarnissaa qulakkeereerpaat, taamaalilluni qinersisitseqqaarnissaq pisariaqassanani.
- Ministeriunertut piukkunnarluinnartuuvoq, Anders Fogh Rasmussen ualimut tusagassiortunik katersortitsinermi taama oqarpoq.
- Tussunngullunga ministeriunertut atorfik inuulluaqqusariaqarpara, kisianni nuannaarutigaara ministeriunerusartut Rasmussenit pingajuannut atorfik ingerlateqqissinnaagakku. Taamatut inissinnerput qinersisartut naammagisimaarsinnaavaat, Anders Fogh Rasmussen oqarpoq.