Lars Løkkep Savalimmiuni qinersinermi ajugaasut pilluaqquai

Savalimmiuni partii Danmarkimi Venstret suleqataat, Sambandspartiet, Lagtingimut ippassaq qinersinermi ajorsrujussuareersorlu, ministeriunerup Lars Løkke Rasmussenip Savalimmiuni Socialdemokraatit pilluaqqussuteqarfigai. Ritzaumi tamanna allaaserineqarpoq.

Sambandspartiet, Liberalimit Kaj Leo Holm Johannesenimit siuttuuffigineqarluni 2008-mili naalakkersuisuutitaqartoq naalakkersuisuutitaqarunnaartussanngorunarpoq.

- Kaj Leo Holm Johannesenip ukiorpassuarni suleqataalluarsimaneranut suleqatigiinnitsinnullu qujanaq. Aksel V. Johannesen aamma Javnadarflokkurin pilluaritsi, Løkke allappoq.

- Lagtingimi qinigaarlaanut isumaqatigiinniarnerullu kingorna naalakkersuisunngortussanut suleqateqarnissara qilanaaraara, Danmakimi ministeriuneq ilaatigut allappoq.      

Socialdemokratit, Javnadarflokkurinimik taagorneqartut arfinilinnik ilaasortaatitaqaraluartut ippassaq qinersinermi arfineq pingasunik ilaasortaatitaqalerput. Siulittaasuat Aksel V. Johannesen qinigaanersaalluni 2.405-init qinerneqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat