Assi: Scanpix

Lars Løkke Trump pillugu: Asuleersimassaaq

Trumpip Kalaallit Nunaat pillugu soqutiginninnera pillugu Lars Løkkep asuleerutaannartut taavaa. Søren Espersenip ajoquteqarsorinerarpaa.

Wall Street Journal aamma nutaarsiassaqartitsivik AP tallimanngornerunngulersoq allassimapput Amerikami præsidentip Donald Trumpip, Kalaallit Nunaat pisiarerusullugu eqqarsaatersortoq. 

Folketingimili partiit illuatungiliuttut annerit marluk isumaqataanissaat qularnarpoq.

Venstremi siulittaasoq, Lars Løkke Rasmussen, tallimanngorninngulersoq ullaassakkut Twitterikkut allassimavoq:

- Asuleersimassaaq ikasarluni. Paatsiveqanngilaq.

 

Dansk Folkepartimit nunanut allanut Kalaallillu Nunaannut oqaaseqartartuat, Søren Espersenip, aamma iluarsorinngilaa.

- Ilumoorsimappat taama eqqarsaatersortoq ilummut silanngajaalersimassaaq. Danmarkip inuit 50.000-t USA-mut tuniniarnissaat silanngajaarneruvoq.

AAMMA ATUARUK Donald Trumpip Kalaallit Nunaat pisiariniarlugu takorlooraa

Kalaallit Nunaata Naalagaaffeqatigiinniit aninissaa takorloorsinnaanngilaa.

- Nunaqqatigunuku eqqartorneqartut. Assersuutigalugu innuttaasut allat Norgemut tuniniarnavianngikkigut. 2019-imi pissutsit taamaattut atorsinnaanngillat. Iluaqutissartaqanngilaq.

Wall Street Journal allappoq, Donald Trump ilaatigut Kalaallit Nunaat pisiarissaguniuk suut iluaqutaassanersut siunnersortini oqaluuttarsimagai.

Donald Trumpimit aamma præsidentip Washingtonimi illorsuaniilluunniit massuma ilumoornera suli uppernarsarneqanngilaq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat