- Maannatut inissimasoqartillugu, amerlanerussuteqartut Mette Frederiksen tikkuarpaat, taannalu naalakkersuisunik pilersitsinissamut periarfissaqartariaqarpoq. Tassungali ajornaatsuinnaanavianngilaq.Assi: Scanpix

Lars Løkke Rasmussenip ajorsarnini nassuerutigaa ministeriunertulli ingerlaqqikkumalluni

Mette Frederiksenip Danmarkimi naalakkersuisut ukiuni tullerni siuttuuffigisussanngorpasippai. Lars Løkkep qinersinermi ajorsarnini nassuerutigaa.

Ministeriunerup Lars Løkke Rasmussenip (V) qinersinermi ajorsarnini nassuerutigaa ministeriunertullu tunuarluni. 

Christiansborgimi oqalugiarluni taama oqarpoq. 

- Naalakkersuisut tunuarniutaat tunniukkiartorlugu aqagu dronningimukassaanga.

- Maannatut inissimasoqartillugu, amerlanerussuteqartut Mette Frederiksen tikkuarpaat, taannalu naalakkersuisunik pilersitsinissamut periarfissaqartariaqarpoq. Tassungali ajornaatsuinnaanavianngilaq.

Partiit saamerliit 91-inik qinigaatitaqassangatinneqarput, talerperliillu 79-it.

Venstre partiitut siuariaraluartoq naalakkersuisuutitaqarunnaarpoq. Partii 34-nik qinigaatitaqarsinnarluni maanna 43-nik ilaasortaatitaqalerpoq.

Socialdemokraatit siulittaasuat, Mette Frederiksen, taamaalilluni naalakkersuisunik pilersitsisinnaanngorpoq. Socialdemokraatiinnarnik naalakkersuisunngortitsinissaq salliutinniarlugu oqaatigaa.

Lar Løkkeli ministeriunertut ingerlaqqikkusulluni oqaatigaa. Partiit akulliit peqataatillugit naalakkersuisunngortitsinermi nammineq ministeriunertut ingerlaqqinnissani inassutiginiarpaa. 

- Siuttuunera ingerlatiinnarlugu Danmarkimi partiit akulliit peqataatillugit naalakkersuisunngortitsisoqarnissaa Venstrep sinniisaata dronningimut kaammattuutigissavaat, Lars Løkke oqarpoq, isumalu taanna nutaajunngitsoq aamma erseqqissaatigalugu.

Allaaserisaq na. 20.32 nutarterneqarpoq, Lars Løkkep ministeriunertut ingerlaqqikkusunnera ilanngunneqarluni.

 

Isummersuutit

#FQ2019

Aaja Chemnitz Larsen, folketingskandidat for Inuit Ataqatigiit, afgiver sin stemme til Folketingsvalget i Godthåbshallen i Nuuk. Foto: Christian Sølbeck. (Foto: Christian Klindt Sølbeck/Ritzau Scanpix)

LIVE: Aki Mathilda Høegh Dam aamma Aaja Chemnitz Larsen Folketingimut qinigaapput