Lars Løkke Rasmussen Venstremi siulittaasutut tunuartussaq

Danmarkimi partii Venstre nutaamik siulittaasortaassaaq aammalu siulittaasup tullia taarsissalluni.
Lars Løkke Rasmussen ministeriunermini nunatsinnut arlaleriarluni tikeraartarpoq. Assimi uani Kalaallit Illuutaanni Københavnimiittumi kaagi aggorpaa. Assi © : Martine Lind Krebs/Det Grønlandske Hus i København
Allattoq Ritzau
aggustip 31-at 2019 12:06
Nutserisoq Ivik Kristiansen

Ministeriunerusimasup Lars Løkke Rasmussenip siulittaasullu tulliata Kristian Jensenip atuuffimminninngaanniit tunuarniarlutik ullaaq manna nalunaarutigimmassuk tamanna paasinarsivoq.

Venstremut ilaasortarpassuit partiip siuttuisa taarserneqarnissaannik piumasaqarmata, partiimi piffissami kingullermi aalassassimaartoqartorujussooreersoq taama pisoqarpoq.

Venstremut ilaasortat immikkut ittumik Herningimi septembarip ulluisa 21-anni ataatsimeersuarunik siulittaasumik nutaamik taavalu siulittaasup tullianik nutaamik qinersissasut, Venstremit tusagassiuutinut nalunaarummi paasissutissiissutigineqarpoq.

Venstrep politikkikkut oqaaseqartartua, Jakob Ellemann-Jensen, Lars Løkke Rasmusenimut taartissatut ilimanarnerpaatut taaneqartarpoq.

Siulittaasutulli qinigassanngortinniarnerluni arfininngornermi ualikkut oqaaseqarfigerusunngilaa.

/ritzau/

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq