Lars Løkke Rasmussen nassuiaasariaqarpoq

Nunat isittup imartaanut sineriallit ippassaq ataatsimiinnerannut, Canadami pisumi, danskit nunanut allanut ministeria, Lene Espersen peqataasinnaanani nalunaarpoq.

Taanna ilaquttani ilagalugit påskimi sulinngiffeqarpoq. Ataatsimeeqatigiinni peqataasunut ilaavoq amerikap nunanut allanut ministeria, Hillary Clinton.

Lene Espersenip peqataannginnera pillugu, danskit ministeriunerata, Lars Løkke Rasmussenip folketingimi ilaasortanut påskip kingorna ataatsimiinnermi nassuiaateqassanera, Socialdemokraatit piumasaraat:

- Nunat isittup imartaanut sineriallit ataatsimiinnerannut peqataannginnera ministeriunerup isumaqatigineraa paaserusupparput. Tassami danskit isaannit isigalugu ataatsimiinnermi oqaluuserineqartussat pingaarluinnartuummata. Nunat pissaanilissuit, USA-p, Ruslandip aamma Canadap nunanut allanut ministerii peqataapput, Socialdemokraatit nunat allat pillugit oqaaseqartartua, Jeppe Kofoed Ritzaus Bureaumut oqarpoq.

Danskit nunanut allanut minitererisimasaasa, Uffe Ellemann-Jensenimit, Niels Helveg Petersenimit aamma Mogens Lykketoftimit Lene Espersenip peqataannginnera isornartorsiorneqarpoq - aamma Dansk Folkepartiip nunat allat pillugit oqaaseqartartuata, Søren Espersenip, nunanut allanut ministerip peqataannginnera paasisinnaannginnerarpaa, oqarluni "tulleriiaarineq eqqumiitsoq".

Lene Espersenip nassuiaatigaa, nunanut allanut ministerinngunngikkallaramili påskemi sulinngiffeqarnissartik aalajangersimallugu. Lene Espersen aamma oqarpoq, ataatsimiinneq pingaartuunngitsoq, taamaallaalli nalunaaquttap akunnerini marlunni sivisutigisumik naatsorsuutit inernerinik oqaloqatigiinnermi naapinnerinnaasoq:

- Paasitinneqarpunga, ataatsimiinneq ataatsimut inernilimmik nalunaajaatitaqanngitsoq - taamaallaat qaaqqusisunik oqaatigineqarpoq oqallinneq eqikkaanerinnaasssasoq, Lene Espersen tusagassiortunut nalunaarummini allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat