- Kalaallit Nunaat namminersortunngorniarluni aalajangeruni, takusinnaanngussavarput, imaassinnaasorlu, ullumikkumiit naalagaaffikinnerulissasoq. Tamanna ersarippoq – nunap assinga qiviaanarsinnaavarput, Lars Løkke Rasmussen oqarpoq.Assi: KNR

Lars Løkke: Kalaallit Nunaata namminersulernissaa USA-p akuerinavianngilaa

Kalaallit Nunaata namminersulernissani puiunnarsinnaavaa USA-mmi nunatsinnut sunniuteqarnerulernissani anguniarmagu. Danskit ministeriunerisimasaat Lars Løkke Rasmussen taama isumaqarpoq.

Kalaallit Nunaat namminersulivitsigani USA-mut atassuteqarneruleraluttuinnarsinnaavoq, Danmarkilu Kalaallit Nunaannut akuunerusariaqarpoq.

Danskit ministeriunerisimasaat Lars Løkke Rasmussen Politikkenimit apersorneqarnermini ilaatigut taamatut oqarpoq.

Kalaallit Nunaata naalagaaffeqatigiinnermit avissaariartornermini USA-mut pituttoriartulissasoq Løkke isumaqarpoq, USA-mi issittumut soqutiginninnera annertusivoq.

- Kalaallit Nunaat namminersulivinniarluni aalajangeruni ullumikkumiit oqartussaassusikinnerulissasoq. Tamanna ilimanaateqarluinnarpoq – nunarsuatsinnimi pissutsit qiviaanarsinnaavagut.

- Kalaallit Nunaat Amerikap avannarliup nunavissuartaata nalaaniippoq. Kalaallit Nunaat inissisimanera isumaqarpallaarpoq namminersulernissaanut, Lars Løkke Rasmussern Politikkenimut oqarpoq.

AAMMA ATUARUK USA aqqutigalugu namminersulivinniarsarineq uppianeruvoq

USA-p Nuummi sinniisoqarfeqalerneranik 80 millionit koruuninillu Kalaallit Nunaannut suliniutinut assigiinngitsunut aningaasaliinera soqutiginninneranut takussutissaavoq. Kalaallit Nunaalli aningaasaqarnera aalajaannerulerpat aatsaat namminersulersinnaasoq, Lars Løkke Rasmussen isumaqarpoq.

Taamaammat Danmark USA-mut "akissuteqarluni" Kalallit Nunaannut qujageqqusaartariaqartoq Løkke isumaqarpoq.

'Paqumisukkunnaarniaritsi'

Kalaallit Nunaata namminersulernissaa pineqartillugu 'isertuannginnerusariaqartut' Lars Løkke isumaqarpoq.

Kalaallit Nunaata Savalimmiullu namminersulerniarneq namminneq ilusilersussagaat taamatullu danskit politikkerii ´paqumisukkunnaarlutik´ Kalaallit Nunaanni susassaqarfinni peqataanerusariaqartut taanna isumaqarpoq. Assersuutigalugu isumaginninnikkut.

Kalaallit Nunaat Savalimmiut Danmarkillu akornanni ilisimasanik avitseqatigiiffiusumik oqalliffimmik pilersitsisoqartariaqartoq Løkke isumaqarpoq.

Taamaalilluni Kalaallit Nunaat Savalimmiullu nunanut allanut tungasunut – illersornissamullu politikkimut - akuutinneqarnerusinnaallutik.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat