Lars Løkke habiterpassuarnik bestiiliisimavoq
Ingammik aviisimi Ekstra Blademi ullumi allaaserineqartoq tusatsiakkanik uppernarnerulersitsivoq.
Venstret aningaasaqarnermut ministeriat, Lars Løkke, Anders Fogh Rasmussenip ministeriunertut kingoraartissaatut isiginiarneqartartoq, aviisimi allaaserineqarpoq, assuutissaminik habitinik qulinik, Frederiksbergimi angutit atisassaannik mersortartumit Zornig-imit bestiiliisimasoq.
Lars Løkke ullaaq arfineq pingasunut mersortartumut takkuppoq, assuutissami mersornissaannut uuttortartikkiartorluni. Aamma ilullitassaannut uuttortarsimavoq. Habitit ulluni qaninnerni tunniunneqarnissaat Lars Løkkep piumasarisimavaa.
Taamaammat Ekstra Blademi isumaqartoqarpoq ministeriuninngortussatut piukkussap habitinik bestiiliinera Anders Foghip – ministeriunertut tunuarluni NATO-mi pisortanngulersaarneranut takussutissaaginnartoq.
