Lars-Emilip Socialdemokratit suleqatiginerusalerniarpai

Atlantikup avannaani suleqatigiit, folketingimut qinersinerup kingorna isumaqatigiissuteqarput, folketingimi ilaasortat immikkut allaffeqarfeqalissasut, tamannalu Lars-Emil Johansenip uggorivaa.

Folketingimut qinersinerup kingorna suleqatigiinnerup aaqqissuussaanera allanngussasoq, Inuit Ataqatigiit Republikaanerillu

isumaqatigiissutigereersimavaat, tamannalu Lars-Emil Johansenip tusaatissatut tiguaa.

Lars-Emil Johansen Atlantikup Avannaani Suleqatigiinni pilersitseqataasoq suleqatigiinnerup aaqqissuussaanerata kingorna allannguuteqanngitsumik suleqataaginnassalluni radioaviisimut oqaatigaa.

Atlantikup Avannaani Suleqatigiit suleriaasiata allanngortiterneqarnerata kingorna, pissutsit allanngorput, Lars-Emil Johansen-ilu Socialdemokratinik qaninnerusumik suleqateqalerniarluni oqarpoq.

Juliane Henningsen Høgni Hoydal-ilu suleriaatsip allangortinneqarnera pillugu Lars-Emil Johansen-ip isornartorsiuinera paasiuminaatsippaat politikkikkullu suleqatigiinnerup ingerlaannarnissaa neriuutigaat.