Lars Emilip Nikku Olsen naveerpaa
Lars Emil Johansenip erseqqissarpaa Inatsisartut suleriaasiata qanoq iluseqartinneqarnissaa aammalu qinikkat sulinerminni atugassarisaat oqaluuserissallugit sukkulluunniit ammaffigigalugu, oqallisiginissaali Inatsisartuni ingerlanneqarnissaanik Nikku Olsen kaammattorlugu.
-Tamatumali peqatigisaanik erseqqissassavara taamatut oqaluuserinninnerup Inatsisartut Siulittaasoqarfiannit aallarnerneqarnissaa pissusissamisoorlunilu pisariaqarmat. Inatsisartut Suleriaasiat inuiaqatigiinni inatsisiliorluni sulinerup ilagaa pingaarutilik, taamaattumillu Suleriaatsimik allannguinerit sukumiilluinnartumik piareersaqqaarlugit isumaliutigilluaqqaarlugillu aatsaat ingerlanneqartariaqarlutik, Lars Emil Johansen nassuiaavoq.
Siulittaasoqarfiup Suleriaasissamut allannguutissatut siunnersuutinik saaffiginnissutinilluunniit tigusaqarsimannginnera erseqqissaatigaa, tamannalu pissutigalugu Inatsisartunut ilaasortanut sulinermi atugassarititaasut pillugit Nikku Olsenip isornartorsiuinera oqaaseqarfiumanagu.
Inatsisartut Siulittaasuata Partii Inuit kaammattorpaa, partii Suleriaasissamut allannguutissanik tigussaasunik peqaruni siulittaasoqarfimmut saaffiginneqqullugu.
