Lars-Emil sulinngiffeqarnissamik qinnuteqarpoq
Siumut sinnerlugu folketingimi ilaasortap, Lars-Emil Johansenip, isikkamigut anniarnini peqqutigalugu folketingimi sulinerminit sulinngiffeqarallarnissani piumasaraa. Lars-Emil Johansenip sulinngiffeqarnerani Doris Jakobsen, Siumut, folketingimi ilaasortaassaaq.
Allattoq Louise M. Kleemann
Isikkami talerperliup saaniatigut akornutimi naatsorsuutigisamit piaarnerusumik ajortikkiartupiloornera, Lars-Emil Johansenip sulinngiffeqarallarnissamut qinnuteqarnerminut tunngavilersuutigaa.
Pilersaarutit malillugit Københavnimi privathospitalimi novembarip aallartilaarnerani suliaritittussagaluarpoq. Isikkamili iluamik tutissutigisinnaajunnaarnera pissutigalugu, periarfissanik allanik misissuilluni Lars-Emil Johansenip oqaatigaa.
Sulinngiffeqarnissamut qinnuteqaat akuerineqassaguni sisamanngorneq aallarnerlugu atuutilissaaq.