Lars-Emil: Nutaamik aallartifissanngorpoq
Partii 3,9 procentinik kinguariarpoq, tamannalu Atassutip Demokraatillu kinguariarnerannik annikinneruvoq. Ataatsimullu isigalugu ukiuni 30-ni pissaaneqareerluni angusaq partiimut pitsaalluinnartuuvoq, Lars-Emil Johansen oqarpoq:
- Siumumi ataatsimoorluta ajugaasarpugut aamma ataatsimoorluta ajorsartarpugut, Lars-Emil Johansen oqarpoq.Kinguariarnermut suut pissutaanersut tikkuarusunngilaa, siulittaasumulli Hans Enoksenimut innersuussiinnarluni:
- Ajornanngeqaaq uparuaanissamut. Taamaaliornianngilanga. Nersorparalu Hans Enoksenip kinguariarnermut akisussaaneq tigummagu tunuarlunilu, Lars-Emil Johansen Sermitsiamut oqarpoq. Sermitsiap nittartagaani taama allaaserinnittoqarpoq.