Lars-Emil Julianelu annaassiniarluni iliuusissanut tapersersuipput
Aningaaserivinnik annaassiniarluni Folketingip oqaluuserinninnerani iliuuseriniarneqartut Lars-Emil Johansenip aamma Juliane Henningsenip tapersersorpaat. Tamatuma kingunerissavaa inuinnaat suliffeqarfiillu toqqissisimanerulernerat, Lars-Emil Johansen oqarpoq.
Allattoq Louise M. Kleemann
- Iluanaarutinik pissarseqataasannginnissaq ukiuni tulliuttuni marlunni inatsimi ilaagaluarpoq, kisianni ataatsimut isigalugu isumaqarpunga pingaaruteqarluinnartoq nunatta peqataanissaa uani inatsimmi, Lars-Emil Johansen oqarpoq.
Aningaaserivinnik annaassiniarluni iliuusissat Inatsisartuni ualeru oqaluuserineqassapput. Oqaluuserisassaq Folketingimi pingajussaaneerlugu aqagu oqaluuserineqassaaq, akuersissutigineqarnissaalu ilimagineqarpoq, tassami partiit tamangajammik, Enhedslisten kisimi pinnani tapersersuimmata.