Assi: KNR

Lars-Emil Johansen unammillerpoq

Siumumi Folketingimilu ilaasortap Lars-Emil Johansen-ip Siumoqatini naalakkersuisut siulittaasuat Hans Enoksen taarserusuppaa. Lars-Emil Johansen siornatigut naalakkersuisuni siulittaasuusimasoq oqarpoq inatsisartunut qinigassanngortinniarnini naalakkersuisut siulittaasuannut unammillernissamik aamma tunngaveqartoq. Taama unammillernini partiimi siulittaasoqartarnermut atatillugu aalajangersakkanik ataqqinninngitsuliornerunnginnersoq aperigatsinni Lars-Emil Johansen ima akivoq:

- Partiitta ataatsimeersuarnerani aalajangikkat soorunami ataqqilluinnarpakka. Kisianni parteerput maannakkut ataatsimeersualinngilaq, kalaallinuku inuiaat ataatsimeersualersut. Kalaallit qinersinermikkut aalajangigaat partiip ataatsip ataatsimeersuarnikkut aalajangigaanut pituttorneqarsinnaanngillat killilersorneqarsinnaanatillu. Taamaattumik isumaqarpunga taakku imminnut aporaatinngitsut.

Lars-Emil Johansen erseqqissaavoq partiip ataatsimeersuarenrani aalajangikkat uniffiuinnarsinnaanngitsut.

- Kisianni inatsisartunut qinersineqareerpat qinersinerup inernera ersereerpat naalakkersuisussanillu qinersinissamut tunngatillugu apeqqutit tamkkua aatsaat tikinneqarsinnaajumaarput. Lars-Emil Johansen aperigatsinni naalakkersuisut siulittaasuannut unammillernini Siumumut aatsaat iluamik toqqissiviilliortitsilissannginnersoq ima akivoq:

- Takorloorsinnaavar Siumukkormiut ajorsarnissaannik neriuttut takorluukkersaartut taamatut eqqarsarsimassasut, kisianni oqaatigereerneqarsinnaanngilaq ilumut Siumut ajorsartussaanersoq. Kisianni Siumukkormiut Siumumillu qinersisartut maannamut Siumut aqunneqarneranik naammaginninngitsut allamik periarfissaqartikkusuppakka. Taamaattumik periarfissamik allamik ammaassineq sanngiillisaatitut isigineqarsinnaanngilaq, Lars-Emil Johansen tunngavilersorpoq.

Doris Jakobsen Siumumi aaqqissuussaanikkut siulittaasup tullia oqarpoq massakkut Siumut iluani ajortisaarunneq toqqissisimananngitsoq. Oqarpoq Lars-Emil Johansen-ip taama saqqummiussaqarnera Siumut ataatsimeersuarnerani amerlanerussuteqartut qinersimasaannik ataqqinninnginnertut isigigini.

Hans Enoksen Lars-Emil Johansen-ilu peqataatillugit Siumumi oqillittoqarnissaanik kaammattuummik Siumup siulersuisuunerinut aamma nassiussaqareerluni Doris Jakobsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat