Lars-Emil Johansen: Naalakkersuisut akuersinerat kukkuneruvoq
Puisit amiinik Canadameersunik eqqussueqqilernissamik naalakkersuisut akuersinerat erseqqilluinnartumik kukkunerusoq, Lars-Emil Johansenip AG-mi ullumi saqqummersumi oqaatigaa.
Nangilluni Lars-Emil Johansenip kaammattuutigaa, naalakkersuisut taama aalajangiinertik allanngortittariaqaraat.
Taanna aamma isumaqarnerarpoq, parteeqatini Hans Enoksen siuttoralugu imminnut ajoquseqqiinnartut.
- Ajornartorsiutinik qinnuteqassanngilagut, tamakkuuku aaqqittussaagivut, oqarpoq.
- Inuit arlaannaalluunniit Canadamiut puisinniartarnerattut annertutigisumik, taamalu periaaseqarluni, puisinniarneq ajorput. Kalaallit piniartut erloqisitaasimanerat naammappoq, aamma silarsuup qanoq katitigaanera, Canadamiullu suliffissuarni suliassanik piniarnerat, tassanngaanniilu puisit amiinik eqqussuinitsigut tapersersornerarlugu pasillerneqaatigisartakkat qanoq qisuariarfigineqartarnerat isiginngitsuusaarsinnaanngilagut, Lars-Emil Johansen ilaatigut taama tunngavilersuivoq.
