Lars-Emil Johansen: Kalaallit Stockholmsyndromimik nappaateqarput

- Kalaallit Stockholm-syndromimik nappaateqarput, danskinik danskiussusermillu ajuallatsitsisinissarput ersigiunnaartariaqarparput, isumammatsinnik saqqummiussiinnarnerput pissutigalugu, Folketingimut Inatsisartunullu ilaasortaq Lars-Emil Johansen Sermitsiamut ullumi saqqummersumut taama oqarpoq.

Sulinermut Inuussutissarsiutillit Kattuffiata SIK-p 50-inngortorsiorluni nalliuttorsiutigineqarmat oqalugiaatiminut nangitsinermini Lars-Emil Johansen taama oqarpoq.

Nunarput kikkunnit pigineqarnersoq oqalugiaammi sammineqarpoq, tamannalu danskerpassuarnit naammagittaalliuutigineqarsimavoq.

- Nunarsuarmi nunarsuarmioqataaffiusumi inuit allat takornartanut piumasaqaateqartarput, akerlianik kalaallit immikkoortitsiniartutut oqaatiginiarneqartarlutik, Lars-Emil Johansen oqarpoq.

Stockholm-syndromi tassaavoq kinaassutsimut taaguut, sallunaveeqqutitut tigusat tigusisuminnut misigisarsinnaasaat – inuttut tukkusuutut, inuppalaartutut nuannaartorinartutullu.

Oqaaseq Stockholmsyndromi 1973-imi pilersimavoq, Sverigemi illoqarfiit pingaarnersaanni sallunaveeqqutitut tigusinermik pissanganartorsiortoqarmat.