Lars-Emil Johansen isummertariaqalerpoq Naalakkersuisunut imaluunniit Folketingimut ilaasortaassanerluni

maajip 30-at 2007 13:37

Aningaasaqarnermut Nunanullu allanut tunngassuteqartunut Naalakkersuisoq, Lars-Emil Johansen, Naalakkersyuisunut imaluunniit Folketingimut ilaasortaaginnassanerluni isummertariqalerpoq.

Qinigaasinnaanerup Misilinneqarnissaanut Ataatsimititaliaq ullumi taama aalajangerpoq.

KNR-ip paasisai naapertorlugit, ataatsimiititaliap aalajangiinermini tunngaviusumik eqqarsarnartoqartippaa, Naalakkersuisunut ilaasortat ataatsikkoorullugu Folketingimi ilaasortaasinnaanerat.

Taamattumik Lars-Emil Johansenip Folketingimi ilaasortaaginnarnissaa ataatsimiititaliap akuererusunngilaa.

Ataatsiititalialli erseqqissarpaa, Lars-Emil Johansen Namminersorneq pillugu Isumalioqatigiissitami sulinini ingerlatiinnarsinnaagaa. Lars-Emil Johansen Isumalioqatigiissitat ilaanni siulittaasuuvoq.

Itisiliinermi, KNR-TV-kkut unnugu nalunaaqutaq arfineq-pingasunut tanneq aqqaneq aallakaatinneqartussami, Lars-Emil Johansenip Naalakkersuisunut ilaasortaajutigaluni Folketingimi ilaasortaanera sammineqassaaq.