Namminersorneq pillugu isumalioqatigiissitap sulinera Lars-Emil Johansenip ajortunngortippaa.
Dansk Folkepartiip Lars-Emil Johansen-i avoqqaaraat namminersorneq pillugu isumalioqatigiissitaliap sulinerani ajortisaarisuunerarlugu.
-Lars-Emil Johansen qalliuniarluni oqaaseqarpoq, tamannalu nammineq pingaartitaanut iluaqutaanngilaq, partiip Kalaallit Nunaat pillugu oqaaseqartartua Søren Espersen AG-mi ullumi saqqummersumi oqarpoq.
Kalaallit naqisimaneqartutut assersuussinera Søren Espersen-ip naammagittaalliutigaa. Lars-Emil Johansen ammaalluni oqalugiarneq pillugu oqallinnermi taamatut oqarpoq.
Inuiaat tamarmik naqisimaneqarunnaassasut statsministerip ammaalluni oqaasia oqalugiarnermini aallarniutigaa, tamannalu Kalaallit Nunaanni pissutsinut assersuullugu, soorlu kalaallit naqisimaneqartut.
Tamanna eqqunngilluinnarpoq, taamalu allarniineratigut aaqqiissutissanik nassaarniarneq piumassuseqarfigineqarunnaartarpoq.
Taamani statsministeriusoq Poul Schlüter 1992-imi taama isumaqatigiissuteqarmat oqaluttuarisaanikkut kukkunerusoq uanga nammineq isumaqarpunga, kukkunerillu nangeqqinnissaannut pissutissaqanngilaq, Søren Espersen oqarpoq, namminersulernissaq pillugu inuit Kalaallit Nunaanni aammali Danmark-imi taasisinneqarnissaat pisinnaanerarlugu.
