Lars Barfoed oqartussaaffiiarumagaat
Danskit Folketingiata inuussutissaqarnermut ministerertik Lars Barfoed oqartussaaffiinit tunuaqquaat. Dansk Folkeparti siunnersuuteqartuuvoq, taamaattoq Lars Barfoed Dansk Folkepartiimik suleqateqarnertik ippinnartoqartinngilaa.
Danskit Folketingiani naalakkersuisunut illuatungiliuttut inuussutissaqarnermut ministerertik inuussutissaqarnermut oqartussaaffiinit tunuaqqugaluaraat, Lars Barfoed nammineq isornartoqartitsinngilaq.
-Naalakkersuisooqatigiit Dansk Folkepartiillu suleqatigiilluarput, sapaatimmi akunnera kingulleq inuussutissaqarneq pillugu Dansk Folkepartiilu isumaqatigiissuteqarpugut, danskit inuussutissaqarnermut ministeriat Lars Barfoed DRmut oqarpoq.
Folketingip inuussutissaqarnermi ministerip oqartussaaffimminit iperaanissaanik inassuteqaatini statsminister Anders Fogh Rasmussenimut aalajangigassanngortippaa.
Naalakkersuisooqataasut Venstret inuussutissaqarnermi oqaaseqartartuata Jens Rodep ilimaginngilaa oqartussaaffiup allamut nuunneqarnissaa statsministerip akuerissagaa.
