Langrendertartoq Martin Møller Folketingimi

Langrendertartoq Martin Møller ukiuunerani OL-imi Torino-mi peqataassanngitsoq aalajangerneqareeraluartoq suliaq maangaannaq uninngilaq.

Kulturi pillugu Radikalit oqaaseqartittagaata, Elsebeth Gerner Nielsenip, suliaq Folketingimut maanna ingerlateqqinnialerpaa.

Olympiadertoqarnerani Kalaallit Nunaata nammineq peqataatitaqartarnissaanut Danmarkimi Naalakkersuisut isumaat saqqummiuteqqullugu, Kulturminister Brian Mikkelsen Elisabeth Gerner Nielsenip qinnuigisimavaa - aamma kalaallit timersortartut peqataanissaminnut piumasaqaatinik naammattunik, Olympiaqartarnermut Danmarkimi ataatsimiititaliap isumaa naapertorlugu, angusaqarsimanngikkaluartulluunniit.

Elsebeth Gerner Nielsenip aamma paaserusuppaa, Danmarks Olympiske Komité Kultureqarnermut ministerip oqaloqatigissallugu eqqarsaatigineraa.

Kalaallit Nunaata Savalimmiullu namminneq Olympisk Komitéqalersinnaannginnersut Elsebeth Gerner Nielsenip tusarniaavigerusuppaa.